Nata e ndërrimit të viteve shoqërohet gjithmonë me darkën familjare ku amvisat gatuajnë produkte tradicionale. Në Gjirokastër, familjet preferojnë të kenë në tryezë mishin e qingjit dhe embëlsirat.
“Blerjet nuk janë siç kanë qenë në vitet që kemi lënë mbrapa, deri diku edhe ky vit është vit i mbarë, ka pasur prodhim për arsye se ka pasur produkte, qoftë misër, qoftë jonxhë, kemi pasur dhe kemi pasur natyrisht qoftë edhe çmimi nuk duhet të ishte i lartë për arsye se kanë qenë këto produkte të lira”-Melsi Prifti.
“Gjirokastra ka traditën e qengjit për Vitin e Ri, nuk jemi p.sh si Myzeqeja që ka gjelin, në Gjirokastër qengji është në tavolinë me domosdo, në çdo tavolinë Gjirokastrite përdoret qengj”- shtoi ai.
” Kanë qenë shumë bile kanë pasur edhe pritshmëritë, kanë dashur edhe produkte të reja, kanë dashur të provojnë një version të ri të produkteve siç është ajo që ne bëjmë tani në këtë vit është panetonja, është artizanale”- Aleksandra Haxhi, administratore biznesi wmbwlsirash.
“Te familjet shqiptare nuk mungon asnjëherë bakllavaja dhe kadaifi, janë gjithmonë çdo fundvit por gjithashtu panetonja për ne dhe vasilopita kanë qenë shumë të preferuara”
Vitet e fundit ka ardhur në rritje preferenca e familjeve gjirokastrite për ti festuar Krishtlindjet dhe Vitin e Ri në mënyrë tradicionale.
LEXONI GJITHASHTU:
- Zjarri në Lushnje/ 300 biznese të shkatërruara, u rrezikua jeta e banorëve
- Izraeli: Hezbollahu sulmoi me raketë antitank kishën ortodokse greke
