Gazetari: Vrasja për të cilën akuzohet dhe do të dënohet Ervis Martinaj

Gazetari Lavdrim Lita deklaroi se i shumëkërkuari Ervis Martinaj, akuzohet vetëm për porosinë e vrasjes së Indrit Dokles dhe në ngarkim të tij, nuk ka asnjë akuzë tjetër.

Në emisionin “Review” në Euronews Albania, Lita u shpreh se për këtë akuzë, ndikoi dëshmia e Nuredin Dumanit.

“Ai akuzohet sot vetëm për porosinë e një vrasjeje dhe asgjë tjetër. Dhe grupi i stukturuar kriminal ka dalë sepse Dumani ka rrëfyer që vrasjet porositeshin në një grup që flisnin në Enrochat në Sky.

Pra, në këtë grup ku porositeshin vrasjet, ishte edhe numri i Ervis Martinaj dhe numrat e personazheve të tjera që janë arrestuar së fundmi”, theksoi ai.