Gazetarja e “Deutsche Welle” komenton qasjen e Gjermanisë për integrimin e Shqipërisë në BE

Gazetarja e “Deutsche Welle” Anila Shuka komentoi për Euronews Albania qëndrimin e Gjermanisë për të mos i ndarë Shqipërinë dhe Maqedoninë e Veriut në procesin integrues.

Shuka tha se Gjermania mbetet një mbështetje “e fuqishme” për integrimin e Ballkanit Perëndimor dhe “është përpjekur maksimalisht për të ndikuar te vendet e tjera që të çelin negociatat menjëherë me Shqipërinë dhe Maqedoninë e Veriut”. Por ajo tha se qëndrimi për të mos i ndarë të dy vendet në proces mbetet i njëjtë me atë të dy viteve të shkuara.

“Do të dukej si njëfarë penalizmi për Maqedoninë e Veriut që teksa vitin e shkuar ajo priti që Shqipëria të tejkalonte problemet e saj, tani do t’i duhej që të mbetej mbrapa për shkak të Bullgarisë për probleme jo për faj të saj,” – komentoi Shuka.

Për sa i përket çështjes së kufijve dhe dokumenteve të rrjedhura në media për një diskutim për ndryshime kufijsh, Shuka tha se “Gjermania është përpjekur që në vitin 2018 që ta heqë përfundimisht nga tavolina e diskutimeve ndryshimin e kufijve në Ballkan”.

LEXONI GJITHASHTU:

• Anëtarësimi në BE, Heiko Maas nuk mbështet ndarjen e Shqipërisë nga RMV
• Ekskluzive l Euronews Albania zbardh draft-dokumentin e diskutuar në Bruksel për Shqipërinë