Giorgia Meloni bëhet kryeministre, krijohet qeveria e re në Itali

Nuk ka kthim pas. Giorgia Meloni ka marrë nga presidenti Sergio Mattarella detyrën për të formuar qeverinë e re dhe pritet që ajo të bëjë historinë në disa aspekte.

Ajo do të jetë gruaja e parë që do të qeverisë republikën dhe e para grua që vjen nga radhët e post-fashizmit, që nga fundi i Luftës II Botërore. Meloni ka prezantuar edhe ministrat e saj.

“Ministër i Jashtëm dhe i Bashkëpunimit Ndërkombëtar, Antonio Tajani, për të cilin do t’i rekomandoj Këshillit të Ministrave dhënien e funksionit të zëvendës kryeministrit. Ministër i Brendshëm, Matteo Piantedosi; ministër i Drejtësisë, Carlo Nordio; ministër i Mbrojtjes, Guido Crossetto; ministër i Infrastrukturës, senator Matteo Salvini, për të cilin do t’i rekomandoj gjithashtu Këshillit të Ministrave dhënien e funksionit të zëvendës kryeministrit”, tha Meloni.

Meloni dhe kabineti i saj do të bëjnë betimin të shtunën në orën 10. Edhe pse ajo ka mbështetjen e konservatorëve dhe koalicioni i së djathtës ekstreme dominon të dyja dhomat e Parlamentit, kryeministrja nuk do të ketë një qeverisje të lehtë.

Asaj do t’i duhet të menaxhojë egot e dy aleatëve të saj, kryetarit të Forza Italia, Silvio Berlusconi dhe atij të Ligës, Matteo Salvini.

LEXONI GJITHASHTU

• ‘Gati të udhëheqim Italinë’, Giorgia Meloni emërohet sot kryeministre
• Itali, Mattarella takon krerët e Parlamentit, të premten radha e Melonit
• Paqe brenda koalicionit, Meloni i ofron Berlusconit 5 ministri