Prej së dielës kombëtarja vijon përgatitjet në prag të sfidës me Izraelin ku janë vendosur në qytetin e Durrësit. Një ditë më parë janë kryer dhe afrimet e fundit, ndërkohë që në konferencën për shtyp kanë dalë Klaus Gjasula dhe Kristjan Asllani.
Mesfushori që luan në Gjermani pohoi se Shqipëria ka të gjithë mundësitë për të dalë me kokën lart nga transferta e Izraelit.
“Po sigurisht, besoj se u duk dhe në ndeshjen e parë që kemi mundësi që të fitojmë ndeshjen. E dimë se sa e rëndësishme është atje për të arritur objektivin tonë dhe do japim maksimumin. Duhet të jemi optimist se duhet të marrim 3 pikë atje”- tha Gjasula.
Mungesat e penalizojnë skuadrën, por synimi është i qartë.
“Besoj se shumë gjëra kanë ndryshuar, shumë çuna të rinj kanë ardhur. Ne kemi kualitetin për të fituar ndeshjen”- tha Gjasula.
Kristjan Asllani veç emocioneve në këtë prag ndeshje ka folur dhe rreth aventurës që po kalon tek zikaltrit.
‘Kam kaluar nga një ekip i vogël te një ekip super i madh. Është peshë e madhe për mua, por s’ka problem i kam qejf këto gjërat”
Izraeli qëndron në krye të grupit me 5 pikë, ndërsa kuqezinjtë në të tretin me 1 barazim dhe 1 humbje.
LEXONI GJITHASHTU: