Gjendet e vdekur në tualetin e universitetit 25-vjeçarja në Milano

Një vajzë 25-vjeçare është gjetur e vdekur mëngjesin e sotëm në tualetin e një universiteti në Milano.

Sipas informacioneve paraprake në trupin e vajzës nuk janë evidentuar shenja dhune.

Trupi i vajzës u gjet me një shall në qafë me skajin tjetër i varur në derën e tualetit.

Nuk ka ende asnjë informacion nëse kemi të bëjmë me një vrasje apo me një vetëvarje të 25-vjeçare.

E reja u gjet mëngjesin e sotëm në orën 06:45 nga një kujdestare që po bënte turin e hapjes së Institutit.

Kufoma është shfaqur e veshur dhe për momentin nuk janë vërejtur shenja të dukshme agresioni. Trupi u gjet në ndërtesën 5, e cila ndodhet ofron akses në kopshtin dhe kafenenë letrare.

Seksioni shkencor i Karabinierëve ndodhet në vendngjarje dhe po vijon hetimet për zbardhjen e plotë të rrethanave të ngjarjes.

Ansa raporton se e reja ka lënë një shënim në të cilin shprehte qëllimin e saj për të kryer vetëvrasje. Shkrimi është gjetur aty për aty dhe është marrë nga karabinierët.

Pavarësisht kësaj prove hetuesit nuk janë ende plotësisht të bindur se kemi të bëjmë me një vetëvrasje.