Gjendet pa shenja jete 48-vjeçari në zonën e ish-Stacionit të Trenit në Tiranë

Një 48-vjeçar është gjetur pa shenja jete mëngjesin e kësaj të hëne, pranë zonës së ish stacionit të Trenit në Tiranë. Sipas burimeve zyrtare, në trupin e viktimës, shtetasit me iniciale K.S., nuk janë konstatuar shenja dhune.

Hetimet paraprake tregojnë se humbja e jetës dyshohet të ketë ardhur nga shkaqe natyrale. Trupi i pajetë është dërguar për ekzaminim mjeko-ligjor për përcaktimin e saktë të shkakut të vdekjes.

Materialet procedurale i janë kaluar Prokurorisë për veprime të mëtejshme, ndërkohë që hetimet vijojnë për zbardhjen e plotë të rrethanave të ngjarjes.

“Më datë 20.01.2025, rreh orës 07:00, tek ish-Stacioni i Trenit. është gjetur pa shenja jete dhe pa shenja dhune shtetasi K.S, 48 vjeç. Paraprakisht dyshohet se humbja e jetës ka ardhur nga shkaqe natyrale. Punohet për përcaktimin e saktë e shkakut të humbjes së jetës”, thuhet në njoftimin e policisë.

LEXONI GJITHASHTU:

• Kishte fshehur doza kokaine në të brendshme, arrestohet 20-vjeçari shqiptar në Itali
• EMRI/ E zhdukur prej disa ditësh, gjendet e pajetë 62-vjeçarja shqiptare në Itali