Gjenerali britanik: 50 mijë ushtarë rusë janë vrarë dhe plagosur në Ukrainë

Kreu i forcave të armatosura të Britanisë së Madhe, Tony Radakin thotë se Rusia ka humbur 50.000 ushtarë të cilët i janë vrarë ose plagosur gjatë pushtimit të Ukrainës dhe rreth 1.700 tanke i janë shkatërruar.

Sipas tij, çdo spekulim se humbjet mund të rrëzojnë qeverinë e presidentit rus, Vladimir Putin, janë thjesht “dëshirë”.

“Mendoj se disa nga komentet se ai nuk është mirë ose dikush me të vërtetë do ta vrasë atë ose do ta largojë nga pushteti, janë thjesht dëshirë”, tha ai.

Ai theksoi se përveç humbjeve në personel dhe tanke, Rusisë i janë shkatërruar rreth 4.000 mjete të blinduara luftarake që prej pushtimit të 24 shkurtit.

Rreth 100 deri në 150 civilë janë vrarë nga sulmet ushtarake ruse në Ukrainë gjatë dy javëve të fundit.

Agjencia e energjisë atomike e Ukrainës akuzoi Rusinë për përdorimin e termocentralit më të madh bërthamor në Evropë për të ruajtur armët dhe për të bombarduar rajonet përreth Nikopol dhe Dnipro. Por Presidenti beson se vendi do të çlirohet.

LEXONI GJITHASHTU

• Ofensiva ruse në Ukrainë, në dy javë mbi 150 civilë të vrarë
• 16 civilë të vrarë, vijojnë bombardimet në qytetet më të mëdha në Ukrainë
• Bombardime në lindje të Ukrainës, ndihma amerikano-britanike zmbraps rusët