Gjenerali: Izrael-Hamas nuk është një luftë klasike, pse s’po zbatohen rregullat

Temë e emisionit Review, në Euronews Albania, këtë të shtunë ishte lufta e nisur prej tashmë 7 ditësh mes Izraeli dhe Hamasit.

I ftuar në emision gjenerali  Albert Mullai analizoi dhe tipologjinë e luftës që po zhvillohet në Izrael, ku duket se rreegullat nuk po zbatohen.

Mullai tha se diferenca e një lufte klasike me atë që po ndodh në Izrael është se nuk po ndeshen dy shtete, por një aktor shtetëror dhe një aktor joshtetëror. Ai nënvizoi se aktorët joshtetërorë nuk i zbatojnë rregullat e luftës dhe njehësojnë civilët me ushtarakët në objektivat e tyre.

“Është një luftë si të gjitha luftërat e tjera në kuptimin që këtu nuk kemi dy shtete që ndeshen. Këtu kemi një shtet dhe një aktor joshtetëror siç është Hamasi. Pjesëmarrja në luftë e aktorëve joshtetërorë, gjithmonë ka futur risi që kanë prishur rregullat e luftës dhe humanitetit.

Ata nuk i ndjekin këto rregulla dhe nuk mbajnë përgjegjësi për to. Kanë dhe disa karakteristika të tjera, siç janë mungesa e uniformës, mungesa e komandim-kontrollit, e linjës vertikale që të komandohen të gjithë në një drejtim. Aktorët joshtetërorë krijojnë problem mes zhdukjes së ushtarakëve dhe civilëve që rrit ndjeshëm numrin e viktimave.

Forcat Wagner janë një shembull i Hamasit, që nuk i zbatojnë rregullat dhe bëhen një me civilët. Kjo është tendencë e hershme dhe e këtyre fuqive për të përdorur njerëzit si armë. Modeli klasik është ai i 11 shtatori ku u përdorën njerëzit për të goditur Kullat Binjake”, tha ai.

LEXONI GJITHASHTU:

• Ashpërsohet lufta në Izrael, gazetari: Është kërkuar evakuim i banorëve në Ashkelon
• Gjenerali: Beteja është për jetë a vdekje, por Izraeli do ta çojë deri në fund