Gjenerali: Beteja është për jetë a vdekje, por Izraeli do ta çojë deri në fund

Gjenerali, Albert Mullai, ishte i ftuar këtë të shtunë në emisionin Review në Euronews Albania, ku analizoi dhe tipologjinë e luftës që po zhvillohet në Izrael.

Mullai tha se Izraeli do ta çojë deri në fund atë që ka nisur dhe nuk do të tërhiqet.

Ai theksoi se Hamasi në aspektin ushtarak është drejt fundit të tij dhe këtë e tregon goditja e dëshpëruar që bëri ditën e sotme me raketa me gjatësi 200 km drejt Tel Avivit apo Ashkelonit.

“Nëse e vini re të gjitha thirrjet që bëjnë shtetet dhe organizatat ndërkombëtare, NATO dhe BE, i drejtohen Izraelit, se ai është i vetmi aktor shtetëror aty. Në pikëpamje të të drejtës ndërkombëtare e gjithë përgjegjësia për atë që po ndodh aty, për atë masakër, i shkon Hamasit, i cili nuk është aktor shtetëror. Por askush nuk i drejtohet atyre, përveç grupit Hezbollah, ose iranianëve.  Por të gjitha organizatat e tjera i drejtohen Izraelit se është i vetëm aktor shtetëror që zbaton rregullat e luftës.

Betaja është shumë e ashpër është për jetë a vdekje. Unë nuk mendoj se Izraeli nuk do të ndalojë. Është një betejë e nisur nga ata dhe u deklarua qartë nga shefi i shtabit se kanë hapur “portat e ferrit”, në kuptimin figurativ të fjalës. Edhe raketat drejt Tel Avivit dhe Ashkelonit, të nisura sot gjatësi 200 km është një lloj fundi i rezistencës së Hamasit në aspektin ushtarak, ata po e ndiejnë këtë”, tha ai.

LEXONI GJITHASHTU:

• Gjenerali: Izrael-Hamas nuk është një luftë klasike, pse s’po zbatohen rregullat
• Ashpërsohet lufta në Izrael, gazetari: Është kërkuar evakuim i banorëve në Ashkelon