‘Gjenocidi në Srebrenicë’, Balla: Berisha furnizoi me naftë ushtrinë jugosllave

Kryetari i Grupit Parlamentar të Partisë Socialiste, Taulant Balla tha në seancën plenare të Kuvendit, se kur Sali Berisha ishte president, ka lejuar furnizimin me naftë të ushtrisë jugosllave gjatë masakrës në Srebrenicë të Bosnje dhe Hercegovinës.

Balla u shpreh se në vitin 1995, u publikua një raport i zv.presidentit amerikan të asaj kohe Algor, ku thuhej se Shqipëria po furnizonte ushtrinë jugosllave me naftë kontrabandë, duke thyer embargon.

“Gjenocidi serb në Srebrenicë nga ushtria jugosllave është ushqyer me naftën prej teje Sali. Në 25 prill të vitit 1995, rreth 3 muaj nga dita e ndodhjes së kësaj tragjedie, gazeta New York Times publikon një raport të zv.presidentit amerikan Algor. Në raport thuhet, Shqipëria po furnizon me naftë kontrabandë ushtrinë serbe në Bosnje. Në bazë të këtij raporti, SHBA-të arrijnë në përfundimin që Shqipëria po thyen embargon. Ne mund të bëjmë një rezulotë për këtë çështje, por kurrë një rezolutë që të vijë me firmën tënde të botës së përtejme”, tha Balla.

Sipas tij, Berisha ka bërë një marrëveshje me ish-presidentin e Malit të Zi Momir Bulatoviç për të kaluar naftën në këtë shtet e më pas për ta kaluar në Serbi.

“Përsa i përket marrëveshjeve të tua për të furnizuar makineritë e luftës, do i ftoja të gjithë kolegët, merrni dhe lexoni librin e ish-presidentit të Malit të Zi, Momir Bulatoviç, i cili I ka shkruar në një libër. Thotë se kemi pasur një marrëveshje me presidentin e asaj kohe Sali Berishën, për të shtrirë tubat në liqenin e Shkodrës për të çuar naftën në Mal të Zi. Ti ke thyer embargon e Shteteve të Bashkuara me marrëveshje”, deklaroi Balla.

LEXONI GJITHASHTU

• Berisha: Vuçiç është Putin i vogël që do të përsërisë gjenocid