Ligji “rus” kalon në Parlament, dështon përpjekja e presidentes për ta penguar

Parlamenti i Gjeorgjisë i ka dhënë përfundimisht dritën e gjelbër ligjit të kontestuar për agjentët e huaj.

Drafti u kërkon të gjitha organizatave që marrin mbi 20 për qind të financimeve nga jashtë të regjistrohen si “agjentë që përfaqësojnë interesat e fuqive të huaja”, ndryshe do të ndëshkohen me gjoba të rënda.

Autoritetet deklarojnë se ligji në fjalë nevojitet për të kufizuar përpjekjet e huaja për të ndikuar në politikat e brendshme.

Por kritikët thonë se ai do të kufizojë ndjeshëm lirinë e shprehjes, si dhe do të sabotojë aplikimin e Gjeorgjisë për t’u bërë vend anëtar i BE-së.

Presidentja e Gjeorgjisë ishte mes kritikëve të parë të ligjit dhe vendosi veton ndaj tij me argumentin se shëmbëllente ligjin e Kremlinit.

Por një komision parlamentar e zhbëri veton e saj ditën e hënë, duke i hapur rrugë votimit të së martës për aprovimin përfundimtar.

Protestuesit mbushën rrugët për javë të tëra në përpjekje për të bllokuar draftin. Disa dhjetëra prej tyre u arrestuan në përleshjet me policinë.

Tubime të tjera u mbajtën të martën në Tbilisi, me manifestuesit që u mblodhën para Parlamentit para votimit përfundimtar.

LEXONI GJITHASHTU:

• Në Gjeorgji vijojnë protestat, qytetarët kundër ligjit rus dhe valës së arrestimeve
• Blinken njofton rishikimin e marrëdhënieve mes Shteteve të Bashkuara dhe Gjeorgjisë