Gjerdani me diamante i Maria Antonetës del në ankand për 2,8 mln dollarë

Një gjerdan diamanti i lidhur me mbretëreshën franceze Marie Antoinette do të dalë në ankand në nëntor në Gjenevë, me një çmim të vlerësuar prej 2.8 milionë dollarësh.

Gjerdan përbëhet nga tre rreshta diamanti me varëse diamanti në secilin skaj, vlen 300 karat dhe daton nga shekulli i 18-të, transmeton Reuters.

Gjerdani iu shit një koleksionisti privat në vitin 1973.

“Këto diamante u përdorën në bizhuteri të ndryshme pasi minierat e Golkondas në Indi u mbyllën në shekullin e 18-të”, tha drejtori i shitjeve mbretërore të Sotheby në Londër, Andres White Corrill.

Ai theksoi se është jashtëzakonisht e rrallë të gjesh diamante të asaj madhësie dhe rëndësie që datojnë nga shekulli i 18-të.

Sipas Reuters, besohet se disa nga diamantet në gjerdan kanë ardhur nga “Çështja e Gjerdanit të Diamantit”, nga koha para Revolucionit Francez, gjatë së cilës u dëmtua reputacioni i Marie Antoinette.

LEXONI GJITHASHTU:

• Kikia i përmend ankandet dhe paratë për pikturat, ja si përgjigjet Malltezi
• Bizhuteritë prej ari të mbretit të rokut Elvis Presley në ankand