Gjermania ndalon certifikimin e gazsjellësit rus

Kancelari gjerman Olaf Scholz ka bërë të ditur se Gjermania ka ndaluar procesin e certifikimit të gazsjellësit Nord Stream 2, i cili duhet të transportojë gaz nga Rusia në Gjermani.

Ai u tha gazetarëve në Berlin se qeveria e tij mori këtë masë në përgjigje të veprimeve ruse në Ukrainë.

“Situata sot është krejtësisht ndryshe nga disa ditë më parë dhe për këtë duhet ta analizojmë sërish, kam kërkuar nga Ministria e Ekonomisë që të tërhiqet dokumenti nga procedura E certifikimit për gazsjellësin Nord Stream 2″, tha ai.

Presidenti rus Vladimir Putin nënshkroi dje një dekret për njohjen e pavarësisë së dy rajoneve separatiste në lindje të Ukrainës.

Udhëheqësit perëndimorë reaguan shpejt ndaj kësaj lëvizjeje të Putinit – Shtetet e Bashkuara kanë vendosur tashmë sanksione ekonomike në rajonet e Luhanskut dhe Donetskut, dhe BE-ja vendos për një paketë sanksionesh sot.

Kombet e Bashkuara mbajtën një takim urgjent mbrëmë me kërkesë të Ukrainës, Shteteve të Bashkuara dhe vendeve të tjera dhe paralajmëruan për “rrezikun real të një konflikti të madh që duhet parandaluar me çdo kusht”.

LEXONI GIJTHASHTU: 

• Gjermania i kërkon Rusisë të shtensionojë situatën me Ukrainën
• Pse heziton Gjermania të mbajë qëndrim mbi krizën në Ukrainë?