Gjermania rrit masat e sigurisë për Kampionatin Evropian të Futbollit

Gjermania po rrit masat e sigurisë në përgatitje për Kampionatin Evropian të Futbollit, duke adresuar një gamë të gjerë kërcënimesh, përfshirë terrorizmin, huliganizmin dhe sigurinë kibernetike.

Në një konferencë për shtyp dhjetë ditë para fillimit zyrtar të kompeticionit, Ministrja e Brendshme gjermane, Nancy Faeser, tha se vendi po përgatitet për të gjitha rreziqet e mundshme. Ajo theksoi se bashkëpunimi po ecën shumë mirë në nivel federal dhe shtetëror. Siguria është prioritet kryesor për Gjermaninë ndërsa përgatiten për të pritur Euro 2024.

Ajo theksoi se policia do të ketë një prani të shtuar në vendet ku do të ketë një numër të madh njerëzish. Një qendër e përkohshme policore është ngritur në North Rhine-Westphalia, ku ndodhen katër nga dhjetë stadiumet që do të presin ndeshjet.

“Nuk mund të garantojmë 100% siguri, por mund të përgatitemi sa më shumë të jetë e mundur” tha guvernatori i North Rhine-Westphalia.

Lajmi erdhi një ditë pas vdekjes së një polici në një aktivitet të Pax Europa, një organizatë që informon publikun për rreziqet e përhapjes dhe ndikimit në rritje të Islamit politik.

LEXO GJITHASHTU

• Kombëtarja mbyll përgatitjet| Të pranishëm 25 futbollistë, Kuqezinjtë drejt Austrisë
• Policia gjermane: Sulmi me thikë ku u vra polici, motive ekstremiste islamike