Kombëtarja mbyll përgatitjet| Të pranishëm 25 futbollistë, Kuqezinjtë drejt Austrisë

Kombëtarja shqiptare ka zhvilluar seancën e dytë stërvitore me grupin e plotë në vendin tonë, ku të pranishëm ishin 25 futbollistë.

Trajneri Silvinjo mbajti të bashkuar me pjesën tjetër edhe dy talentet e shpresave, Rejan Alivodën që aktivizohet tek Vllaznia dhe Erlad Maksutin e Apolonisë. Stërvitja u zhvillua fillimisht në palestër, e më pas me ushtrimet në fushë, ashtu sic ka ndodhur dhe përgjatë së enjtes.

Elhan Kastrati u la pushim nga stafi teknik për shkak të gjendjes shëndetësore si pasojë e gripit. Kujtojmë që gjithë grupi është plotësuar të premten pasi në stërvitjen e së enjtes mungonin 3 futbollistë. Në pasdite lojtarët do të jenë në Austria ty ku do të kryhen seancat stërvitore në prag të dy miqësoreve të qershorit, konkretisht në datën 3 me Lihtenshtejnin dhe 4 ditë më pas ndaj Azerbajxhanit në Hungari.

Tekniku Sylvinho pritet të kryejë ndryshime sa i përket skemës, duke qenë se këtë herë u la jashtë dyshja Cikalleshi-Uzuni, të cilët ishin ndër lojtarët kyc në fazën kualifikuese të Euro 2024. Lista zyrtare e europianit do të publikohet më 7 qershor, teksa nuk pritet të ketë shumë ndryshime. Kuqezinjtë e nisin rrugëtimin më 15 qershor, ndërsa kundërshtarët janë Italia, Kroacia e Spanja.

LEXONI GJITHASHTU:

• U la jashtë Euro2024, Cikalleshi tërhiqet nga kombëtarja e futbollit
• A do të jetë pjesë e Kombëtares? Armando Broja “shfaqet” në stadiumin “Air Albania”