Gjest i madh nga Chelsea, dhurohen mijëra euro për familjet e Jotës dhe Silvës

Një gjest i jashtëzakonshëm, por mbi të gjitha fisnik është ai i lojtarëve të Chelseat, të cilët kanë vendosur që një pjesë të parave të fituara në Kupën e Botës për Klube t’i dhurojnë për familjet e Diogo Jotës dhe Andre Silvës, dy vëllezërit që humbën jetën në aksidentin automobilistik.

Një nismë kjo nga Blutë, e cila është vlerësuar gjerësisht, ndërsa sipas asaj që mediat në ishull raportojnë, bëhet fjalë se secila prej familjeve do të përfitojë 430 mijë euro.

Një gjest human i cili gjeti mbështetjen e çdo futbollisti, por natyrisht thuhet se indicja ishte Pedro Neto, shoku i ngushtë i Diogo Jotës, me të cilin ka luajtur te Wolves, por edhe në kombëtaren luzitane.

Më tej, thirrja e tij u respektua nga i gjithë klubi, që solidarizohet kështu për ngjarjen tragjike.

Blutë e Londrës morën një bonus për fitimin e Botërorit rreth 14 milionë euro, pa llogaritur këtu shpërblimet për çdo raund të kompeticionit, ku në total përllogaritet afro 200 milionë euro.

LEXONI GJITHASHTU:

• PSG fiton Superkupën ndaj Tottenham, UEFA prek zemrat me mesazh kundër luftës
• Vdekja e Diogo Jota-s: Liverpool merr vendimin, përjetëson fanellën me numrin 20