“Gjesti nazist” i ish-këshilltarit të Trump, Jordan Bardella anulon fjalimin në SHBA

Udhëheqësi i ekstremit të djathtë të Francës, Jordan Bardella, tha të premten se kishte anuluar fjalimin e tij në një takim të krahut të djathtë në Uashington pas një “gjesti që aludonte në ideologjinë naziste” nga Steve Bannon.

“Unë isha ftuar… për të mbajtur një fjalim mbi lidhjet midis Shteteve të Bashkuara dhe Francës, si dhe dinamikën e fundit elektorale të partive patriotike në Evropë”, tha Bardella në një deklaratë.

“Dje, ndërsa nuk isha i pranishëm në sallë, një nga folësit për shkak të provokimit i lejoi vetes një gjest që aludonte për ideologjinë naziste. Prandaj mora vendimin e menjëhershëm për të anuluar fjalimin tim që ishte caktuar sot pasdite,” tha ai.

Një këshilltar i Bardella konfirmoi për AFP se ai po fliste për Bannon.

Bardella, tani 29 vjeç, u bë lider i RN në 2022, duke marrë detyrën nga Marine Le Pen. Ai gjithashtu drejton grupin e Patriotëve në Parlamentin Evropian.

Por është Le Pen, e cila ishte nënkampione në dy zgjedhjet e fundit presidenciale franceze dhe ka mbetur lidere e partisë në parlament, që pritet të bëjë garën e ardhshme presidenciale në 2027.

LEXONI GJITHASHTU:

• VIDEO| Pas Musk edhe ish-këshilltari i Trump ngjall polemika me përshëndetje naziste
• “Aleanca e çnderimit”, Bardella “sulmon” Macron: Lojë e rrezikshme elektorale