“Aleanca e çnderimit”, Bardella “sulmon” Macron: Lojë e rrezikshme elektorale

Udhëheqësi i partisë së Tubimit Kombëtar të ekstremit të djathtë, Jordan Bardella gjatë fjalës së tij pas publikimit të sondazheve ka vënë “në shënjestër” atë që ai e quajti “aleancën e çnderimit” midis Presidentit Emmanuel Macron dhe partisë së ekstremit të majtë që ai pretendon se solli humbjen e partisë së tij me më shumë vende se sa ishte parashikuar.

Në raundin e dytë të zgjedhjeve të së dielës, Tubimi Kombëtar (RN) sipas sondazheve parashikohet të humbas më shumë vende sesa pritej ndaj partisë së majtë socialiste të Francës, Frontit të Ri Popullor dhe partisë së Macron.

Bardella falënderoi popullin francez për të cilët tha se ndihmuan partinë e tij të merrte një numër të madh votash, përpara se të vinte në shënjestër vendimin e Macron për të thirrur zgjedhje.

Udhëheqësi i RN pretendoi se Macron dhe kryeministri Gabriel Attal luajtën “lojëra të rrezikshme elektorale” me të majtën ekstreme dhe pretendoi se RN u vu në një “situatë komprometuese”.

“Ne ishim shumë përpara në raundin e parë dhe me një normë prej 45% në disa zona të Francës,” tha ai.

LEXONI GJITHASHTU:

• Supriza e zgjedhjeve në Francë! Dalin rezultatet e sondazheve, e majta merr shumicën
• Mund të humbasë qeverinë, çfarë ndodh me Emmanuel Macron pas këtyre zgjedhjeve?