Gjetja e trupave të tragjedisë në Shkodër, Mbrojtja Civile: Moment i dhimbshëm

Ka përfunduar operacioni i kërkimit për 39-vjeçaren Alma Arrazi dhe 3 fëmijët e saj që u mbytën në ujërat e lumit Buna.

Përmes një postimi në rrjete sociale, Agjencisë Kombëtare të Mbrojtjes Civile, njofton mbylljen e oporecionit dhe gjetjen e të katërt trupave të viktimave.

AKMC shpreh ngushëllimet për familjarët dhe të afërmit e viktimave në këtë moment tepër të dhimbshëm.

“Sot, pas tre ditësh përfundoi operacioni i kërkimit të shtetasve që u mbytën në lumin Buna.

Nën drejtimin e Agjencisë Kombëtare të Mbrojtjes Civile, u angazhuan 96 forca operacionale dhe 13 mjete nga strukturat vendore dhe qendrore, përfshirë Forcat e Armatosura, Forcat Renea, Njësinë e Sigurisë Publike, DVP Shkodër, dhe DRKM, si dhe banorë të njësisë administrative Dajç.

Drejtori i qendrës së Mbrojtjes Rajonale për Veriun, Z. Besnik Hysaj, ndoqi me kujdes operacionin në terren duke kordinuar strukturat referuar ligjit 45/2019 “Për Mbrojtjen Civile”.

Në këtë moment të dhimbshëm, shprehim ngushëllimet tona më të ndjera për familjen dhe të afërmit”, thuhet në njoftimin e AKMC.

Gjykata e Shkodrës vlerësoi të ligjshëm arrestimin e babait, Erdgys Arrazi, si i dyshuar se është bërë shtysë për aktin e vetëflijimit të bashkëshortes bashkë me fëmijët. Problemet në çift dyshohet se lindën si pasojë e një lidhjeje jashtëmartosore të 31-vjeçarit.

LEXONI GJITHASHTU:

• “18 vjeçarja “mollë sherri” e çiftit në Shkodër”, gazetari: Burri e kërcënonte Almën
• Gazetari zbulon kartelën mjekësore të Alma Arrazit: Trajtohej me anti-depresant
• Gazetari përballet me psikiatrin: Kam informacione që ju i keni dhënë anti-depresivë