“Gjiknuri debatoi me Ramën pasi u la në listë të hapur”, analisti tregon prapaskenat

I ftuar në Euronews Albania, analisti Mentor Kikia foli për listat e kandidatëve për deputetë për zgjedhjet e 11 majit.

Duke u ndalur tek lista e PS-së së Vlorës, ai komentoi lënien në listën e hapur të Damian Gjiknurit dhe aludoi se Gjiknuri dhe Rama kanë pasur një debat para publikimit të listave, kur Gjiknuri ka mësuar se do të jetë në listën e hapur.

“Damian Gjiknuri, një nga protagonistët e PS-së, është në listën e hapur, pa asnjë siguri nëse mund të marrë mandatin. Gjiknuri thuhet se ka pasur një debat me Kryeministrin Rama në vigjilje të publikimit të listës, edhe pse e mohoi këtë fakt. Megjithatë, fakti që është aty tregon se ka pasur diçka. Socialistët, megjithatë, nuk janë rebeluar si opozitarët,” tha Kikia.

Po ashtu, analisti Kikia paralajmëroi për mundësinë e një veprimi nga deputeti Erion Braçe, ku sipas tij, pas një statusi të Braçes, dyshohen se mund të ketë diçka dhe se nuk ishte i sigurt nëse Braçe do të vazhdonte betejën për të kandiduar në zgjedhjet e 11 majit në listën e hapur.

“Por pashe dhe një postim të Erion Braçes që linte për të dyshuar dhe nënkuptonte që edhe ai mund të ndjekë një rrugë tjetër tashmë, pasi mesa duket nuk ka ndërmend të luftojë në betejë për të marrë mandatin. Por ishte një paralajmërim shumë diplomatik dhe tha se do të vazhdojë të jetë kontributor në këtë fushatë,” tha Kikia.

LEXONI GJITHASHTU:

• “Mjafton liria”, Erion Braçe reagon pasi u la në listën e hapur të PS
• Lista e plotë zyrtare, kush janë kandidatët e PS-së për zgjedhjet e 11 majit
• Lista e plotë e PD-së| Kandidatët zyrtarë në zgjedhjet e 11 majit
• Gjiknuri: 130 mijë shqiptarë të diasporës të regjistruar deri tani, impresionuese