Gjiknuri shkarkon drejtorin e emëruar nga Balla në Elbasan

Drejtuesi i ri politik i qarkut të Elbasanit, Damjan Gjiknuri ka shkarkuar edhe drejtorin e fundit të vendosur nga paraardhësi i tij, Taulant Balla.

Burime pranë Partisë Socialiste Elbasan bëjnë të ditur se Xhevahir Budani ka lënë pozicionin e Drejtorit Rajonal të Shëndetit Publik, ndërsa ende nuk mësohet emri i pasuesit të tij.

Që nga marrja e pozicionit drejtues politik në Qarkun e Elbasanit, Damian Gjiknuri ka bërë edhe lëvizje të tjera për të larguar të përzgjedhurit e Ballës, për t’i zevendesuar ata me të preferuarit e tij.

Më herët është shkarkuar nga detyra e Drejtorit të Tatimeve Elbasan, Indrit Karaj për t’i lënë vendin Gentian Palluqit, ndërsa ditët e fundit drejtori i Ujësjellesit, Leli Kaja u shkarkua për t’i lënë vendin Luan Tabakut.

Budani ishte i fundit nga drejtorët e njohur si mbeshtetës të rendesishem të Taulant Balles, të përzgjedhur në postin e mbajtur pikërisht nga ky i fundit.

LEXONI GJITHASHTU

• Balla: Brenda 10 ditësh dorëzojmë ndryshimet në ligjin për partitë politike
• Berisha do shpallet së shpejti ‘non grata’ nga Bashkimi Evropian, sipas Ballës
• Reforma territoriale, Balla i përgjigjet Alibeajt: PS do i fitojë zgjedhjet në 2023