Gjirokastër| Aksion kundër lojërave të fatit e trafikut të drogës, disa të arrestuar

Gjykata e Gjirokastrës ka miratuar masat e sigurisë për 10 persona për disa vepra penale, përfshirë “Prodhim dhe shitje narkotikësh” e kryer në bashkëpunim, “Organizimi ose ushtrimi i veprimtarive të lojërave të fatit në kundërshtim me ligjin”, “Përkrahje e autorit të veprës penale” dhe “Moskallëzim krimi”.

Nisur nga hetimet, më 1 mars 2025, Gjykata e Gjirokastrës miratoi masat e sigurimit për 10 shtetas, si dhe kontrolle në një subjekt lokal.

Ndërkohë që këtë të martë, u ekzekutuan masat e sigurimit personal, duke përfshirë:

“Arrest me burg” për shtetasit me iniciale B.H., M.A., E.S.

“Arrest në shtëpi” për shtetasit me iniciale I.A., G.K.

“Ndalimi i daljes jashtë shtetit” dhe “Detyrimi për t’u paraqitur në policinë gjyqësore” për shtetasit me iniciale D.H., DH.L

Po ashtu, janë shpallur në kërkim shtetasit me iniciale B.H., D.H., dhe E.P.

Vijojnë hetimet teksa autoritetet po punojnë për zbardhjen e plotë të kësaj çështje.

LEXONI GJITHASHTU:

• SPAK dërgon për gjykim kryetarin dhe zv/kryetarin e Bashkisë së Tropojës
• Drogë dhe vjedhje, arrestohen dy shqiptarë në Gjermani, pritet ekstradimi i tyre