Gjirokastër/ Zjarri përfshin kullotat në Mashkullorë, kërkohet ndërhyrje nga ajri

Një zjarr masiv ka përfshirë kullotat e fshatit Mashkullorë, Gjirokastër ndërkohë që për shkak të terrenit malor vetëm ndërhyrja nga ajri do të ishte e efektshme për shuarjen e tij. Fillimisht flakët u shfaqën rreth orës 13.00 të mesditës së sotme mbi  fshatin Mashkullorë, në mal.

I ndihmuar nga era dhe terreni i thatë dhe malor zjarr u përhap me shpejtësi duke përfshirë një sipërfaqe të konsiderueshme me barëra dhe shkurre. Në operacionin për shuarjen e zjarrit janë angazhuar strukturat e emergjencave dhe Bashkisë Gjirokastër.

Zjarri po luftohet me mjete rrethanore si pompa shpine, etj sepse për shkak të terrenit të vështirë malor nuk mund te dislokohen automjetet zjarrfikëse. ” Zjarri është masiv dhe po mundohemi ta mbajmë nën kontroll”, shprehen përfaqësuesit e Shërbimit Zjarrfikës duke e bërë të domosdoshme ndërhyrjen nga ajri për shuarjen e këtij zjarri masiv.

LEXONI GJITHASHTU:

• Zjarri në Shkodër, helikopteri i ushtrisë në ndihmë të forcave zjarrfikëse
• Zjarr në një banesë në Korçë, pëson djegie trupore 89-vjeçari Koço Zhidro