Gjithë Europa është objektiv i agresionit rus, thotë Zelenski

Presidenti ukrainas Volodimir Zelenski tha gjatë një fjalimi të shtunën në mbrëmje se agresioni rus nuk është i kufizuar vetëm në Ukrainë dhe se e gjithë Evropa është një objektiv, raporton BBC.

Zelensky i kërkoi Perëndimit të vendosë një embargo të plotë ndaj produkteve ruse të energjisë dhe të furnizojë Ukrainën me armë shtesë.

Ai tha se përdorimi i forcës nga Rusia ishte një katastrofë që në mënyrë të pashmangshme do t’i godasë të gjithë.

Zelenski tha se Ukraina është gati për një betejë të ashpër, pasi forcat ruse po grumbulloheshin në lindje të vendit.

“Kjo do të jetë një betejë e vështirë, ne besojmë në këtë luftë dhe fitoren tonë. Ne jemi të gatshëm të luftojmë, njëkohësisht dhe të kërkojmë mënyra diplomatike për t’i dhënë fund kësaj lufte”, tha Zelenski.

Negociatori ukrainas Mykhailo Podolyak tha se presidenti Zelenski dhe presidenti rus Vladimir Putin nuk do të takohen derisa Rusia të mposhtet në Lindje.

LEXONI GJITHASHTU:

• Sulmi në stacionin hekurudhor, një krim lufte, thotë Zelenski
• Boris Xhonson vizitë surprizë në Kiev, takon Zelenskin