GJKKO kalon për gjykim dosjen “Metamorfoza”

Gjykata e Posaçme kalon për gjykim dosjen “Metamorfoza,” ku akuzohen 7 persona për kryerjen e disa veprave të rënda penale.

Pëllumb Gjoka, Behar Bajroviç, Edmond Preka, Astmer Bilali, Ardit Hasanbegaj, Oltion Bistri dhe Xhevahir Lita u dërguan për gjykim në seancën e kësaj të premteje.

Vendimi u mor nga gjyqtarja Elsa Ulliri, ndërsa çështja kaloi për gjykim pa debat nga palët.

Pjesa më e madhe e të akuzuarve kanë kërkuar gjykim të shkurtuar, kërkesë e cila do të shqyrtohet në seancën e radhës.

Avokatët e biznesmenit Pëllumb Gjoka kanë kundërshtuar në të gjitha seancat marrjen si provë të komunikimeve në platformën Sky ECC, për të cilën i janë drejtuar Gjykatës Kushtetuese.

Gjykata Kushtetuese do ta shqyrtojë këtë çështje më 19 nëntor, në orën 10:00.

LEXONI GJITHASHTU:

• Metamorfoza| SPAK sekuestron prona me vlerë 1 milion euro në Tiranë
• “Metamorfoza”, eksperti: Duhet të plotësohet me prova, burgu “paketë në ofertë”