“Metamorfoza”, eksperti: Duhet të plotësohet me prova, burgu “paketë në ofertë”

Prokuroria e Posaçme ka mbyllur hetimet dhe ka dërguar për gjykim biznesmenin Pëllumb Gjoka dhe 6 të tjerë të arrestuar në kuadër të operacionit Metamorfoza.

Eksperti i kriminalistikës, Artan Rexhepi tha në emisionin Review në Euronews Albania se përgjimet mund të jenë indicie, por ato duhet të plotësohen me prova për të vërtetuar nëse ngjarjet për të cilat hetohet, që janë shumë të rënda, janë të vërteta. Për të bërë këtë sipas tij duhen jo vetëm specialistë të mirë, por edhe shumë para.

“Nuk jam partizan i procedurës por i të vërtetës. Përderisa ka folur Gjykata Evropiane nuk ngelet shumë për të folur. Ngelet që të plotësohet matrica, ata e kanë burgun paketë për mentalitetin shqiptar, për mënyrës si procedohet nga gjykatat shqiptare, janë dënuar njerëz edhe kot. Të plotësojnë matricën që të bëhet provë. Kjo është ngjarje që kërkon specialistë shumë të mirë dhe para për të vërtetuar ato indicie. Ngarkesa e kësaj ngjarjeje ka qenë shumë e lartë, flitet për oficerë që porosisin  për vrasje. Fakti që është shprehur Gjykata Evropiane duhet respektuar dhe ngjarja duhet kompletuar me prova”, tha ai.

LEXONI GJITHASHTU:

• Metamorfoza| SPAK sekuestron prona me vlerë 1 milion euro në Tiranë
• Berisha: Dosja Metamorfoza, maja e ajsbergut për lidhjet e qeverisë me krimin