Gjueti e paligjshme në Pogradec: Kapet një person, sekuestrohet arma e gjahut

Është arrestuar këtë të mërkurë një 56 vjeçar, pasi kryente gjueti të paligjshme në fshatin Selcë e Poshtme, në Pogradec.

Sipas raportimeve është proceduar penalisht shtetasi E. S., 56 vjeç, banues në Elbasan dhe janë sekuestruar në cilësinë e provës material 1 armë gjahu, fishekë dhe 1 automjet.

“Gjatë kontrolleve, në fshatin Selcë e Poshtme, Pogradec, është kapur në flagrancë 1 shtetas që po kryente gjueti të paligjshme në këtë zonë. Në këtë vend u gjetën 2 shpendë të vrarë me armë gjahu.      Në përfundim të veprimeve për këtë rast, specialistët për Hetimin e Krimeve të Komisariatit të Policisë Pogradec referuan materialet në Prokurori, ku filloi procedimi në gjendje të lirë për shtetasin E. S., 56 vjeç, banues në Elbasan”, thuhet në njoftimin e policisë.

Ndërkohë, materialet procedurale iu referuan Prokurorisë së Korçës, për veprime të mëtejshme, për veprën penale “Shkelja e karantinës së bimëve dhe kafshëve”.

LEXONI GJITHASHTU:

• Gjueti e paligjshme në malin e Gramozit/ Kapen 3 persona, sekuestrohet arma e gjahut
• Do të kryenin gjueti të paligjshme, procedohen dy persona në Shkodër