Gjykata e Apelit reagon për Dan Hutrën: I refuzuam kërkesën për të dalë nga burgu

Gjykata e Apelit ka reaguar në lidhje me çështjen e Ramazan Hutrës, i njohur ndryshe si Dan Hutra, i cili shkaktoi masakrën në Paskuqan me dy viktima dhe tre të plagosur.

Përmes një njoftimi, Apeli bën të ditur se i ka refuzuar Hutrës, kërkesën e tij për të zëvendësuar masën e “Arrestit me burg” me masën e sigurimit “detyrim paraqitje në policinë gjyqësore”.

Ndërkaq, më 14 shkurt të këtij viti, trupa gjykuese la në fuqi vendimin e marrë më par1% për lënien e Hutrës në burg.

Apeli deklaron se për vijueshmërinë e procesit të shtetasit Dan Hutra, në shkallë të tjera të gjykimit nuk ka informacion.

Njoftimi i Gjykatës së Apelit

Referuar interesimit të mediave, Gjykata e Apelit të Juridiksionit të Përgjithshëm, informon sa më poshtë:

Gjykata e Rrethit Gjyqësor Tiranë, ka zhvilluar gjykimin lidhur me zëvëndësimin e e masës së sigurimit “arrest në burg” me masën e sigurimit “detyrim paraqitje në policinë gjyqësore”, ndaj personit nën hetim shtetasit me iniciale Dan Hutra,  i dyshuar për kryerjen e veprëse penale “Dhunë në familje”,  parashikuar nga neni  130/a  të Kodit Penal.

Me vendimin nr. 555/1 Akti, datë 09.0.2023 Gjykata e Rrethit Gjyqësor Tiranë, vendosi:

-Rrëzimin e kërkesës me nr. 3356/1 Akti, datë 04.01.2023 me kërkues Dan Hutra.

Çështja në apel u shqyrtua mbi bazën e ankimit të bërë nga personi nën hetim me iniciale Dan Hutra, i cili kërkoi ndryshimin e vendimit, zëvëndësimin e e masës së sigurimit nga “arrest në burg” në atë “detyrim paraqitje në policinë gjyqësore”.

Në përfundim të gjykimit, me vendimin nr. 66, datë 14.02.2023, Gjykata e Apelit të Juridiksionit të Përgjithshëm, e përbërë nga trupi gjykues me Gjyqtare znj. Irida Kacerja, vendosi:

-Lënien në fuqi të vendimit nr. 3356/1 Akti, datë 09.01.2023 të Gjykatës së Rrethit Gjyqësor Tiranë.

Për vijueshmërinë e procesit të shtetasit Dan Hutra, në shkallë të tjera të gjykimit, Gjykata e Apelit të Juridiksionit të Përgjithshëm, nuk ka informacion.

Tiranë, 03.01.2023

Gjykata e Apelit të Juridiksionit të Përgjithshëm.

Masakra në Paskuqan

Dan Hutra, rreth 40 vjeç, është personi i cili ka kryer krimin e dyfishtë në Paskuqan mesditën e kësaj të mërkurë. Ai ka vrarë ka vrarë me armë zjarri shtetaset, Mevlute Hysa 30 vjeçe, motra e ish-bashkëjetueses së tij dhe Hasime Dafku 30 vjeçe, e fejuara e vëllait të ish-bashkëjetueses.

Gjithashtu të plagosur kanë mbetur dhe ish-bashkëjetuesja e tij Elena Hysa, 35 vjeçe, dhe nëna e saj Kujtime Hysa, 60-vjeçe.

Hutra rezulton një person me precedent të mëparshëm penal. Ai është dënuar për vrasjen e ish-gruas së tij të parë në vitin 2007, shtetases , Dafina Havalja.

LEXONI GJITHASHTU

• Pas masakrës në Paskuqan, Hutra vrasësi serial që dyshohet dhe për ngjarjen në Kamëz
• Kreu masakrën në Paskuqan, Dan Hutra plagosi me thikë edhe të dashurën në Astir
• Kreu masakrën në Paskuqan, Dan Hutra i dënuar dhe për vrasjen e gruas së parë