Gjykata e Lartë e SHBA rrëzoi ankesën e ish-oficerit të policisë për vrasjen e Floyd

Gjykata e Lartë e SHBA-së refuzoi sot të dëgjojë apelin e ish-oficerit të policisë së Minneapolis, Derek Chauvin, të cilin ai donte të paraqiste kundër vendimit për vrasjen e George Floyd gjatë arrestimit të tij në vitin 2020, i cili më pas shkaktoi protesta të mëdha kundër brutalitetit të policisë dhe racizmit.

Gjykatësit refuzuan apelimin e Chauvin, të cilin ai e paraqiti pasi një gjykatë apeli në Minesotë la në fuqi dënimin e tij me 22 vjet burg për vrasjen e vitit 2021, duke mohuar kërkesën e tij për një gjyq të ri, raportoi Reuters.

Chauvin argumentoi se njëanshmëria e jurisë dhe disa vendime të kryetarit të trupit gjykues e privuan atë nga e drejta e tij për një gjykim të drejtë sipas ligjit amerikan.

Bëhet fjalë për oficerin e policisë i cili u filmua duke mbajtur gjurin në qafë të George Floyd për më shumë se nëntë minuta gjatë arrestimit. Derek Chauvin u dënua me 22.5 vjet burg për vrasjen e Floyd.

LEXONI GJITHASHTU:

• Kanye West në gjykatë për deklaratat kundër George Floyd
• Vrasja e George Floyd, prokurorët kërkojnë 30 vite burg për oficerin e policisë