Gjykata e Tiranës i heq masën e sigurimit “pezullim nga detyra” Artan Shkëmbit

Gjykata e Tiranës i ka hequr masën e sigurimit ”pezullim nga detyra” Artan Shkëmbit, ish-zv.drejtorit të Operacionit Forca e Ligjit.

Gjykata ka konstatuar shuarjen e masës për shkak të përfundimit të afatit 6 mujor.

Shkëmbi u hetua fillimisht nga SPAK për korrupsion dhe nxjerrje sekreti hetimor.

Tre javë më parë dosja i kaloi për kompetencë Prokurorisë së Tiranës, pasi rezultoi se nuk ka korrupsion dhe ndërkohë hetimi vazhdon.

Shkëmbi u pezullua nga detyra disa muaj më parë, pasi u hetua për dekonspirim operacionesh.

U dyshua se Shkëmbi kishte dekonspiruar një informacion të kërkuar nga një agjenci ligjzbatuese e huaj për një shtetas me precedentë penalë.

Shkëmbi në të kaluarën ka mbajtur edhe detyrën e kreut të Task-Forcës së krijuar kundër krimit, në kohën kur Ministria e Brendshme drejtohej nga Fatmir Xhafaj.

Lexoni gjithashtu:

Bie akuza për korrupsion, çështja e Artan Shkëmbit kalon në Prokurorinë e Tiranës

SPAK shtyn me 3 muaj pezullimin nga detyra për Artan Shkëmbin