Gjykata lë në qeli 6 të arrestuarit e operacionit ‘Plumbi i Artë’

Gjykata e Apelit të Posaçëm Kundër Korrupsionit dhe Krimit të Organizuar, ka miratuar masën e sigurisë “arrest me burg” për 6 nga të arrestuarit e operacionit “Plumbi i Artë”.

Apeli i GJKKO-së rrëzoi kërkesën e 6 të akuzuarve për vepra të rënda penale që ka ngritur ndaj tyre pas deklarimeve të dëshmitarit të drejtësisë Nuredin Dumani.

Në burg do vijojnë të qëndrojnë, Petrit e Agron Qoli, Elvis Çaushllari, Adrian Uzuni, Fotos Gosa e Gentjan Sharra.

Në sajë të operacionit “Plumbi i Artë” u lëshuan 32 masa sigurie, ku 9 prej tyre u ekzekutuan në burgje, 9 persona u arrestuan ndërsa 14 persona u shpallën në kërkim.

LEXONI GJITHASHTU:

• Dorëhiqet nga puna në MPJ motra e Nuredin Dumanit: Jam në rrezik për jetën
• SPAK: Nuredin Dumani s’ka thënë asgjë për presidentin Meta