Gjykata lë në qeli të arrestuarit për tenderin e zjarrfikëses në Durrës

Gjykata e Posaçme ka lënë në qeli të arrestuarit për abuzimin me tenderin e zjarrfikëses në Bashkinë Durrës.

Gazetari Merin Maçi raporton se gjykata ka vendosur ‘arrest me burg’ për zyrtarët e bashkisë: Adriatik Velaj, Muhamed Likazhiu, Artan Taho, Kastriot Beqaraj, Gjergj Markolaj dhe Indrit Marmuhaj.

Ndërkohë janë lënë në qeli 2 nga 4 administratorët e firmave që u favorizuan, Albjon Bushi dhe Riza Sulaj.

Ndësa për 2 të tjerët, gjykata ka vendosur “arrest shtëpie” për Lulzim Ramin dhe “detyrim paraqitje” për Elona Ramin.

SPAK arrestoi 6 zyrtarët e Bashkisë Durrës për abuzim me një tender në vlerën e 7 milionë lekëve. Nga hetimet rezultoi se automjeti i blerë për zjarrfikëset e qytetit është jashtë funksionit dhe nuk është përdorur në raste ndërhyrjesh emergjente.

Tenderi është zhvilluar nga bashkia e Durrësit në qershor të 2020-ës.

LEXONI GJITHASHTU:

• Blenë zjarrfikëse të prishur, SPAK arreston 6 zyrtarë të Bashkisë Durrës
• 8 të arrestuar në Durrës për abuzim me tenderët