Gjykata nuk duhet të zvarrisë çështjen e PD-së, sipas analistit Baçi

Analisti Agim Baçi thotë se gjykata nuk duhet të zvarrisë çështjen e Partisë Demokratike, pasi vendimet e gjyqtarëve mund të sjellin pasoja.

Për emisionin “Sot” në “Euronews Albania”, Baçi u shpreh se gjykatat duhet të veprojnë shumë shpejt kur bëhet fjalë për çështje të partive politike.

“Gjykatat në këtë rast, siç janë partitë politike medoemos duhet të kishin vepruar shumë shpejt duke e ditur se çfarë pasojash kanë vendimet e tyre. Nuk duhet të lihen zvarrë, që nga muaji dhjetor e deri tani në prill nuk duhet të kishim kaq debate”, u shpreh Baçi.

Sipas analistit, vendimi që mori gjyqtari Agron Zhuri, i cili njohu statutin e dalë nga Kuvendi i 11 Dhjetorit, pati një pasojë shumë të madhe për Partinë Demokratike.

Më 25 mars, gjyqtari Agron Zhukri njohu Statutin e PD të miratuar në Kuvendin e thirrur nga ish-kryeministri Sali Berisha më 11 dhjetor 2021.

Ndërsa, sot gjyqtarja Blerina Muça e ka rikthyer çështjen për rigjykim dhe tashmë çështja do të shqyrtohet në Gjykatën e Apelit.

LEXONI GJITHASHTU

• Ngjela: Gjyqtari që njohu statutin e 11 Dhjetorit duhet të shkojë në burg
• Gjykata kthen për rigjykim çështjen e statutit të PD-së