Gjykata spanjolle dënon Meta-n për konkurrencë të padrejtë

Një gjykatë spanjolle ka urdhëruar Meta-n të paguajë më shumë se 540 milionë euro pasi e shpalli gjigantin amerikan fajtor për konkurrencë të padrejtë dhe shkelje të rregulloreve të mbrojtjes së të dhënave.

Padia kundër gjigantit të teknologjisë përfshinte përdorimin e të dhënave të përdoruesve midis viteve 2018 dhe 2023 pa pëlqimin e tyre për të krijuar profile të personalizuara reklamimi dhe për të fituar fitime të mëdha në kurriz të mediave spanjolle që respektonin ligjet e privatësisë.

Padia u ngrit nga disa media, përfshirë anëtarë të Shoqatës së Medias, AMI të cilat e përshëndetën vendimin si një fitore vendimtare për gazetarinë, konkurrencën dhe demokracinë.

Meta, nga ana e saj, njoftoi se do të apelonte vendimin, të cilin e konsideroi të pabazuar dhe i cili injoron qëllimisht mënyrën se si funksionon industria e reklamave online. Gjigandi i teknologjisë pretendoi se përputhet me të gjitha ligjet dhe u ofron përdoruesve një gamë mjetesh për të kontrolluar përvojën në shërbimet e tyre.

LEXONI GJITHASHTU:

• FMN: Shqipëria të mos bëjë paqe fiskale, sfidën me ekonominë e ka te fuqia punëtore
• Përmbytje në fshatin Trevllazër, lumi Vjosa vërshon në tokat bujqësore (VIDEO)