Gjyqi ndaj Dogjanit, GJKKO i lë detyrën SPAK-ut për plotësimin e hetimeve

Gjykata e Posaçme Kundër Korrupsionit dhe Krimit të Organizuar ka lënë në fuqi kërkesën e Prokurorisë Speciale për të vazhduar hetimet ndaj Asllan Dogjanit. Ky është rasti i dytë që GJKKO i jep mundësi SPAK-ut të plotësojë hetimet për çështjen.

Dogjani akuzohet nga SPAK për “refuzim për deklarimin, mosdeklarimin, fshehje ose deklarim i rremë i pasurisë” lidhur me një apartament rreth 100 metër katrorë, për të cilin ai thotë se e ka fituar si rezultat i këshillimit juridik.

Por sipas organit të akuzës, Dogjani e bleu apartamentin rreth 126 mijë euro, vlerë të cilën e pagoi cash.

Deputeti demokrat është shprehur më herët se kallëzimi ndaj tij është bërë nga ndërtuesi Ilirjan Çelaj, të cilin ai e quan ‘zaptues’ pasi më parë e ka paditur për grabitjen e hapësirës publike para pallatit ku banon duke e kthyer në parkim me pagesë.