Gjyqi për vrasjen e Floyd, qindra persona protestojnë në Mineapolis për të kërkuar drejtësi

Qytetarë të shumtë marshuan të hënën në Mineapolis të Shteteve të Bashkuara.

Protestuesit me pankarta në dorë u mblodhën duke bërë thirrje për drejtësi në prag të gjyqit ndaj ish-oficerit të policisë Derek Chauvin, i akuzuar për vrasjen e afro-amerikanit George Floyd në maj të vitit 2020.

Chauvin, i akuzuar për vrasje të shkallës së dytë dhe keqtrajtim, e mbajti Floyd të shtrirë në tokë dhe të bllokuar me gjurin në qafë.

Gjyqi, që pritej të fillonte të hënën, u shty të paktën deri mëngjesin e së martës, pasi gjyqtari i çështjes u përball me një urdhër të minutës së fundit nga një gjykatë më e lartë për të shtuar një akuzë për vrasje shtesë.

Mjeku ligjor arriti në përfundimin se vdekja e Floyd ishte një vrasje e shkaktuar pjesërisht nga neutralizimi i policisë.

Lexoni gjithashtu:

SHBA, policia publikon pamjet nga vrasja e të dyshuarit në Mineapolis

Në gjyq për të mbrojtur fshatin, 64-vjeçarja në Turqi kundër minierave të qymyrgurit

Pelegrinazhi i paqes, Papa Françesku përfundon turin historik në Irak