Godaj: Gratë s’e bëjnë mamografinë as falas, preferojnë mos ta dinë nëse kanë kancer

Dona Godaj, drejtuese e Shoqata Kristiane e Grave Shqiptare, aktiviste ne fushatat për kancerin këshillon që gratë mbi 40 vjeç duhet të bëjnë ekzaminime të rregullta të gjirit.

Në emisionin Goodmorning Albanians ajo u shpreh ka ende shumë punë për t’u bërë që njerëzit të mos shkojnë tek mjeku në një fazë të avancuar po për të bërë vizita periodike.

Ajo tregoi se edhe mikeshat e veta, të cilat i ka nxitur të bëjnë mamografinë kanë refuzuar pasi preferojnë të mos e dinë që janë të sëmura.

“Sot akoma njerëzit shkojnë tek mjeku në një fazë të avancuar jo për të bërë vizita periodike. Dhe nuk mund të thuhet se kjo ndodh vetëm në zonat e pazhvilluara. Kam lutur edhe mikesha të miat që nuk kanë pranuar ta bëjnë mamografinë, pasi preferojnë të mos e dinë nëse kanë kancer. Është e rëndësishme që mesazhi të jepet nga persona që e kanë kaluar si sëmundje”, tha aktivistja.

LEXONI GJITHASHTU:

• Tetori rozë/ Manastirliu dhe Luiza Gega mesazh ndërgjegjësues për kancerin e gjirit
• Studimi: Virusi i herpesit mund të shkatërrojë qelizat e kancerit