Goditen lojërat e fatit në Elbasan, arrestohen 2 administratorët e lokaleve

Policia në Elbasan ka evidentuar 2 lokale të përshtatura për organizimin e lojërave të fatit.

Mësohet se janë arrestuar 2 administratorët e këtyre lokaleve, të cilët fshihnin të ardhurat e përfituara nga kjo veprimtari e paligjshme.

Blutë bëjnë me dije se në pranga ka rënë dhe 1 tjetër shtetas, pasi u kap duke luajtur lojëra fati, në njërin nga lokalet.

“Në kuadër të këtij operacioni, u arrestuan në flagrancë shtetasit R. M., 45 vjeç dhe J. T., 33 vjeç, banues në Elbasan, pasi dyshohet se kishin vënë në dispozicion të organizimit të kundërligjshëm të lojërave të fatit, lokalet që administronin, në lagjen “Syrja Dylgjeri” dhe në lagjen “Skënderbej”, Elbasan. Gjithashtu, u vu në pranga shtetasi N. R., 65 vjeç, banues në Elbasan, pasi u kap në flagrancë në njërin nga lokalet, duke luajtur lojëra fati”- bën me dije policia.
Në cilësinë e provës materiale u sekuestruan 3 aparate celulare dhe 1 kompjuter, që shërbenin për të vënë baste sportive.

Materialet procedurale i kaluan Prokurorisë pranë Gjykatës së Rrethit Gjyqësor Elbasan, për veprime të mëtejshme.

LEXONI GJITHASHTU: 

• Sherr me thika në Durrës, plagosen 2 persona
• Kokainë, heroinë, kanabis/ Përdorën lokalin për shitje droge, goditet grupi kriminal