Goditi me grusht policin e burgut në Fier, arrestohet në Tiranë 32-vjeçari

Është kapur nga policia e Tiranës, një 32-vjeçar i shpallur në kërkim, pasi ka goditur me grushta një punonjës të IEVP në Fier, si dhe janë arrestuar 4 shtetas të tjerë pasi dyshohet se kanë ndihmuar 32-vjeçarin t’i fshihej Policisë.

Në kuadër të operacionit të koduar “Operacionalja 71”, u ndaluan shtetasit Elvis Roshi 32- vjeç, autori që ka goditur policin, Ermir Peqini 33-vjeç, Dorian Cera 33-vjeç, Arbit Nure 29- vjeç dhe Fabjan Muçaj 26-vjeç, të cilët u arrestuan në flagrancë për veprën penale “Përkrahja e autorit të krimit”.

Sipas raportimeve, 32-vjeçari ishte shpallur në kërkim, pasi Gjykata e Shkallës së Parë e Juridiksionit të Përgjithshëm Fier i ka caktuar masën e sigurisë “Arrest në burg”, për veprën penale “Goditja për shkak të detyrës”, kryer në bashkëpunim.

Materialet procedurale i kaluan Prokurorisë së Fierit, për veprime të mëtejshme.

LEXONI GJITHASHTU:

• Kanosi pronarin e lokalit dhe goditi me grusht policin, arrestohet 37-vjeçari
• Kanosi pronarin e lokalit dhe goditi me grusht policin, arrestohet 37-vjeçari