Goditja 7.8 ballë që vrau 30 mijë njerëz, cilët janë tërmetet më të fortë në Turqi

Tërmeti vdekjeprurës që goditi mëngjesin e së hënës Turqinë, i cili u ndje në Siri, Liban dhe Izrael, ishte po aq i fortë sa ai i vitit 1939, më i fuqishmi i regjistruar ndonjëherë në Turqi.

Me magnitudë 7.8, tërmeti i së hënës në Turqi kishte të njëjtën forcë goditëse me lëkundjet e vitit 1939 ku vranë 30 mijë njerëz, shkroi në Tëitter Stephen Hicks, një studiues në sizmologji në Kolegjin Imperial në Londër.

Turqia, një vatër e aktivitetit sizmik, ndodhet në Pllakën e Anadollit, e cila kufizohet me dy çarje të mëdha.

Lëkundjet e tokës  përgjatë dy dekadave kanë shkaktuar shkatërrime fatale.

Tetor 2020

Një tërmet me magnitudë 7 afër Samos, një ishull grek në detin Egje pranë bregut të Turqisë, vrau të paktën 24 njerëz në Turqi dhe shkaktoi më shumë viktima në Greqi.

Janar 2020

Një tërmet me magnitudë 6.7 goditi Turqinë lindore, duke vrarë të paktën 22 persona, duke plagosur qindra dhe duke shkaktuar lëkundje në Siri, Gjeorgji dhe Armeni.

Tetor 2011

Një tërmet me magnitudë 7.2 në Turqinë lindore vrau të paktën 138 persona dhe plagosi rreth 350. Tërmeti ishte me qendër në provincën Van, jo shumë larg kufirit me Iranin dhe u ndje fort në fshatrat përreth dhe disa pjesë të Irakut verior.

Mars 2010

Një tërmet me magnitudë 6.0 goditi gjithashtu Turqinë lindore, duke vrarë 51 persona. Një fshat u shkatërrua kryesisht dhe katër të tjerë u dëmtuan rëndë. Një tërmet i dytë me magnitudë 5.6 goditi më pas të njëjtën zonë, mes dhjetëra pasgoditjeve.

Gusht 1999

Një tërmet me magnitudë 7.4 që goditi qytetin perëndimor turk të Izmit vrau më shumë se 17,000 njerëz.

LEXONI GJITHASHTU: 

• “Kemi parë një tmerr”/ Ambasadori shqiptar në Turqi rrëfen përjetimet e tërmetit
• Pamjet e tërmetit apokaliptik në Turqi, momenti kur shembet pallati 7-katësh
• Saktësi e frikshme, shkencëtari parashikoi 4 ditë më parë tërmetin e fortë në Turqi