Konrad Laimer është zyrtarisht lojtar i Bayernit të Mynihut. Ashtu siç u lajmërua pak kohë më parë, austriaku ishte preference e parë e trajnerit Tuchel, ndërsa tanimë akordi u arrit.
26-vjeçari firmosi si lojtar i lirë, kjo për faktin se i përfundoi kontrata me Leipzig, ndërsa dëshironte prej kohësh kalimin tek rekordmenët e Gjermanisë.
26-vjeçari do të mbajë veshur fanellën e kampionëve deri në vitin 2027, ndërsa u shpreh i lumtur për këtë kalim. Prezantimi i tij është bërë këtë të premte në ambientet e klubit.
Laimer e ka nisur karrierën tek skuadra e Liefering në Austri, ndërsa më pas u transferua tek Salzburgu e më tej klubi simotër Leipzig.
Me këta të fundit qëndroi për 6 sezone, aty ku numëron 130 paraqitje dhe 10 gola. Bavarezët duket se krahas Laimer, synojnë një tjetër lojtar nga Bundesliga, e bëhet fjalë për mbrojtësin verdhezi Raphael Guerreiro. Plani për të kursyer para duket se po funksionon sërish, ndërsa edhe portugezi do të bëjë një kalim me parametra zero.
LEXONI GJITHASHTU:
- “E kam tepruar”, reagon pas shkarkimit ish-drejtori i Bayern Munich
- Bayern shpallet kampion në minutën e fundit, Dortmund bën ‘gafën’ fatale
