Bayern Munchen ka mundur të shpallet kampione e Bundesligës në Gjermani në frymën e fundit.
“Bavarezët” triumfuan 1-2 në transfertë ndaj ekipit të Kolnit. Goli që e shpalli skuadrën bavareze kampione u shënua në minutën e 89-nga Musiala.
Coman kaloi mysafirët në epërsi në minutën e tetë, kurse barazimi erdhi në të 81-tën nëpërmjet Ljubiqiq nga penalltia.
Trofeun Bayernit ia dha një gabim fatal i Dortmundit, ku në ndeshjen më të rëndësishme të kampionatit nuk mori dot më shumë se 1 pikë me Mainzin.
Bayern dhe Dortmund e mbyllën kampionatin me 71 pikë, por tituli u takon bavarezëve për shkak të golavarazhit.