Jonila Godole, drejtore e Institutit për Demokraci, Media dhe Kulturë thotë se në Shqipëria fryma e protestës, në dhjetor ‘90 erdhi shumë vonë në krahasim me Evropën për shkak të izolimit të gjatë.

Në një intervistë për Euronews Albania, Godole u shpreh se me gjithë kontributin e madh të studentëve, rënia e komunizmit është më tepër negocim pushtet nga sipër poshtë që të shmangej gjakderdhja.

“Studentët ishin një tullë e parë që u vendos, por ishte vetë nomenklatura që vendosi të lëshonin pe, të nxirrnin jashtë atë mllef që ishte akumuluar që të mos rrezikonin jetën e tyre. Jo më kot në shkurt kur studentët ishin në grevë urie dhe prindërit e tyre shkuan të negocionin me drejtuesit e pushtetit, e gjithë ushtria u vendos në bllok që të ruanin jetën e parisë dhe turma devijoi në shesh. Unë them që ka qenë e menduar nga sipër gjithë kohës si do negociohet pushteti”, tha Gogole.

• LEXONI GJITHASHTU:
• Si e përzumë Sali Berishën nga lëvizja studentore, rrëfehet ish-studenti i Dhjetorit
• Fevziu: Unë, Blushi dhe Shkullaku gjithë natën zgjuar për 100.000 kopje të gazetës