Gonzato për “Zgjedhore: Reforma zgjedhore, mbetet përparësi vendimtare

Ambasadori i Bashkimit Evropian në Tiranë Silvio Gonzato ka deklaruar se Reforma Zgjedhore duhet që të përmbushë pritshmëritë e qytetarëve dhe standardin e ndërkombëtarëve. Gjatë fjalës së tij në një tryeze të përbashkët për Reformën Zgjedhore, Gonzato u shpreh se e rëndësishme në këtë reformë është dhe nevoja e dialogut politik mes palëve. 

Në fund, Gonzato theksoi se ligji për financimet e partive duhet të garantojë një fushë loje të barabartë për të gjithë aktorët dhe se duhet të mbrojë edhe të vegjëlit.

“Shprehëm vullnetin dhe përkushtimin tonë për të mbështetur punën tuaj të rëndësishme në shumë mënyra të mundshme. Në kontekstin aktual, fryma e dialogut për tema të tilla është thelbësore. Mirëpres mirëkuptimin midisa të dy bashkëkryetarëve që reforma duhet të përmbushë pritshmëritë e qytetarëve dhe standartet ndërkombëtare.

Përmirësimi i sundimit të ligjit dhe përkushtimi i palëkundur ndaj standarteve evropiane është kyçe për Shqipërinë, përputhshmëria me piketat e ndërmjetshme dhe ndaj kemi këtë kohë apo afat e trysni për komisionin. Reforma zgjedhore është nevojë demokratike, besimi në zgjedhje është besim në demokraci. Ky besim mund të ekzistojë kur burimet e financimit janë të pararta apo mbikëqyrja është e dobët. Financimi është parakusht për procesin e anëtarësimit në BE. Reforma zgjedhore, mbetet përparësi vendimtare në kuadër të kornizës së BE dhe lidhet ngushtë me themeloret.

Reforma duhet të garantojë pluralizmin politik dhe të sigurojë fushë loje të barabartë për të gjithë aktorët. Kuadri ligjor duhet të sigurojë këtë konkurencë të ndershme dhe të mbrojë aktorët e vegjël. Raporti i OSBE ODIHR foli për parti në pushtet që përfiton nga burimet administrative. Kjo është pikë kyçe që të trajtohet. Po kështu duhet parë edhe në një pikëprerje të rëndësishme me reformat e tjera, si ajo e administratës publike,” tha Gonzato.