Policia e Lezhës organizoi operacionin e koduar “Cave” dhe arrestoi 33-vjeçarin Valentin Kovaçi, i shpallur në kërkim për vjedhje me dhunë dhe tentativë përdhunimi.
Sipas policisë, Kovaçi u gjet i fshehur në një shpellë në zonën e Kalasë së Lezhës, ku qëndronte me shpresën për t’i shpëtuar arrestimit. Gjatë kontrollit, policia sekuestroi si provë materiale një portofol dhe dy telefona celularë të dyshuar si të vjedhur.
“Ky shtetas ishte shpallur në kërkim pasi më datë 7 mars 2025, një shtetase 30 vjeçare banuese në Lezhë, kallëzoi se ky shtetas i kishte vjedhur me dhunë çantën e dorës, me sende personale dhe kishte tentuar të kryente marrëdhënie seksuale me dhunë me të”, thuhet në njoftimin e policisë.
Materialet i kaluan Prokurorisë të Lezhës për veprime të mëtejshme ligjore.
LEXONI GJITHASHTU:
