Një 68-vjeçar është arrestuar nga Policia e Lezhës pasi akuzohet për plagosje me dashje.
Në pranga ka rënë personi 68-vjeçari Gj.B, i cili sipas policisë pas një konflikti të çastit ka qëlluar me armë zjarri një 26-vjecar.
Policia sqaron se i riu është qëlluar në këmbë dhe ndodhet jashtë rrezikut për jetën, ndërsa 68-vjeçari është shoqëruar për veprime të mëtejshme proceduriale.
Ndërkohë ka nisur procedimi penal edhe për një 22-vjeçar i cili sipas policisë ka qenë i shoqëruar me të riun e plagosur në momentin kur ka ndodhur ngjarja dhe nuk e ka kallëzuar krimin.
Njoftimi i Policisë:
“Në vijim të veprimeve procedurale që po kryhen në drejtimin e Prokurorisë së Lezhës, në lidhje me plagosjen me armë zjarri, të shtetasit M. D., 26 vjeç, në momentin e ndërhyrjes së shërbimeve të Policisë, për kapjen e një shtetasi të shpallur në kërkim, sqarojmë se:
Specialistët për Hetimin e Krimeve të Rënda, në bashkëpunim me shërbimet e Komisariatit të Policisë Kurbin, pas veprimeve hetimore të kryera nën drejtimin e Prokurorisë, bënë ndalimin e autorin të dyshuar të plagosjes në këmbë, me armë zjarri (pistoletë), të shtetasit M. D.
U ndalua shtetasi Gj. B., 68 vjeç, i cili ishte shoqëruar më parë në Komisariat si person i dyshuar.
Nga veprimet hetimore dyshohet se 68-vjeçari gjatë një konflikti të çastit ka plagosur me armë zjarri në këmbë jashtë rrezikut për jetën shtetasin M. D.
Po në kuadër të veprimeve hetimore dhe procedurale për këtë rast, nisi procedimi në gjendje të lirë për shtetasin N. Gj., 22 vjeç, pasi dyshohet se ka qenë i shoqëruar me shtetasin M. D., në momentin e plagosjes, dhe nuk e ka kallëzuar krimin”, thuhet në njoftimin e policisë.
LEXONI GJITHASHTU:
- Të shtëna me armë drejt policisë në Kurbin, plagoset efektivi. Dy të arrestuar
- U la jashtë listës së qarkut Lezhë, deputeti socialist: Rëndësi ka të fitojë PS
