Ministri i Brendshëm Taulant Balla ka reaguar lidhur me grabitjet e fundit në Tiranë, ku tha se është arrestuar njëri prej autorëve të njërës prej tyre dhe është parandaluar një tjetër grabitje në fshatin Prush.

Përmes një njoftimi, Balla shkruan se gjatë natës së mbrëmshme policia dhe prokuroria kanë avancuar drejt identifikimit dhe arrestimit të personave të përfshirë në këtë ngjarje.

Ai shton se Policia do të rrisë vigjilencën në prag të festave të fundvitit.

Reagim i ministrit të Brendshëm, Taulant Balla:

👮👮‍♀️🚔 Policia e Shtetit do të rrisë vigjilencën gjatë festave të fundvitit, ndërsa elementë të caktuar kriminalë tentojnë ta shfrytëzojnë këtë periudhë të vitit për veprimtaritë e tyre kriminale kundër pronës dhe personit. Policia e Shtetit ka arrestuar autorin e një grabitje në Tiranë dhe ka ndërhyrë në kohë për të parandaluar një tjetër në fshatin Prush. Gjatë natës së mbrëmshme policia dhe prokuroria kanë avancuar drejt identifikimit dhe arrestimit të personave të përfshirë në këtë ngjarje.

LEXONI GJITHASHTU:

• FOTO| Mjeti me të cilin lëvizën autorët e grabitjes në Kamëz
• Grabitje me armë zjarri në Kosovë, plagoset një efektiv policie