English

Gratë në biznes, ekonomia humbet 20% të PBB nga hendeku gjinor i pagave

KOMENTE

SHPERNDAJE
ARTIKULLIN

Text sizeAa Aa

Më pak se një e treta e sipërmarrjeve shqiptare kanë një aksionere grua apo administrohen nga një grua. Përfaqsimi në administratën publike është rritur ndjeshëm vitet e fundit, por mbetet ende i ulët.

- Advertisement -

Arsimi i më shumë grave ka rritur punësimin e tyre dy vitet e fundit me mbi 5%, por ekziston ende një hendek gjinor i pagave në 10.5%.

“Unë besoj, dhe nga ato që kemi menaxhuar vitin e kaluar në raport me anti-informalitetin, dhe mbi të gjitha me luftën ndaj pagesës jo të pastër në atë informalitetin gri siç e themi, mendoj se 10.5% është jo i saktë dhe duhet të jetë më shumë”, është shprehur ministrja e Financave dhe Ekonomisë Anila Denaj.

Ministrja Denaj tha në Samitin e Grave të biznesit se për shkak të këtij hendeku, ekonomia shqiptare humbet 20% të Produktit të Brendshëm Bruto në vit.

“Mund të them se mënyra e menaxhimit të biznesit nga një grua ka rezultuar shumë e suksesshme, i ka rezistuar kohës, dhe gjithashtu ka qenë me një përqindje fitimi të konsiderueshëm dhe aspak problematik”, u shpreh kryetarja e Dhomës Kombëtare të Noterëve, Mimoza Sadushi.

Por gratë hasin edhe mjaft vështirë që mund të vijnë për shkak të stereotipeve dhe pritshmërive shoqërore.

“Është ana menaxheriale dhe në familje se gruaja nuk bën vetëm punë, me një fjalë, merr familjen, duhet të ndjekë familjen. (344) gruaja duhet të bëjë nënën, nusen, pastruesen, duhet t’i bëjë të gjitha. Dhe pastaj të ketë dhe atë pjesën e biznesit”, ka thënë presidentja e Dhomës së Tregtisë dhe Industrisë Shqiptaro-Itale në Milano, Luljeta Çobani.

Një kredi prej afro 10 milionë eurosh nënshkruar me Bankën Botërore synon të rrisë pjesëmarrjen e grave në biznes. Në Itali 18% e gjithë bizneseve shqiptare drejtohen nga gratë.

Etiketimet

TË FUNDIT

Sondazh

Euro 2024| A mendoni se Shqipëria do të mund ta kalojë grupin e “ferrit” në kampionatin Evropian?