Greqi: Vodhën mjete lundruese për ti trafikuar në Shqipëri, 1 në pranga, 4 në kërkim

Policia e Sarandës, ka çuar në zbulimin dhe dokumentimin e një rasti të trafikimit të paligjshëm të mjeteve lundruese nga Greqia në Shqipëri.

Operacioni u nis pas një kallëzimi nga një shtetas grek, i cili raportoi se më datë 28 qershor, gjatë natës, në ishullin e Korfuzit i ishin vjedhur dy mjete lundruese – një gomone dhe një skaf. Sipas tij, ekzistonin dyshime të forta se këto mjete ishin futur në mënyrë të paligjshme në territorin shqiptar.

Si rezultat i hetimeve dhe ndërhyrjes së strukturave të Policisë u arrestua shtetasi D. D., 23 vjeç, banues në fshatin Gjashtë, Sarandë dhe u shpallën në kërkim tre shtetas të tjerë:

D. J., 48 vjeç, banues në Sarandë

A. J, 24 vjeç, banues në Sarandë

A. K., 48 vjeç, banues në Tepelenë

Hetimet paraprake treguan se katër të dyshuarit kishin hyrë në mënyrë të paligjshme në Korfuz, ku kishin vjedhur dy mjete lundruese, të cilat më pas i kishin trafikuar në Shqipëri, me destinacion qytetin e Sarandës.

Gjatë kontrolleve në terren, një nga mjetet lundruese u gjet i fshehur në një parcelë në fshatin Vrion, Finiq, dhe u sekuestrua në cilësinë e provës materiale së bashku me një mjet kamion, i dyshuar se u përdor për transportimin e skafit dhe gomones nga bregdeti drejt parcelës.

Policia njoftoi se vijojnë veprimet për kapjen e personave të shpallur në kërkim, si dhe për identifikimin e të tjerëve të përfshirë në këtë veprimtari kriminale.

LEXONI GJITHASHTU:

• U mor i pandehur, kreu i Prokurimeve Publike paraqitet bashkë me avokatin në SPAK
• “Partizani”/ Jep dorëheqjen gjyqtarja, shtyhet seanca për Jamarbër Malltezin